Orð frá hug og hjarta
Orð frá hug og hjarta
Arnheiður Ösp Hjálmarsdóttir
Vorið 2019 hittumst við Áshildur reglulega í nokkrar vikur og það voru sannkallaðar gæðastundir fyrir mig. Mér bauðst að koma í markþjálfun sem stjórnandi í grunnskóla og fannst það áhugavert þar sem ég hafði oft heyrt talað um markþjálfun en hafði ekki neina reynslu eða þekkingu á því sem átti sér stað í svona tímum. Hún spurði spurninga sem fengu mig til að ígrunda mig sem persónu bæði í vinnu og einkalífi. Hún fékk mig til að að skerpa á áherslum varðandi verkefni í vinnunni og í daglegu lífi og við það öðlaðist ég betri yfirsýn. Mér tókst þannig að skerpa á markmiðum, gildum og styrkleikum og einblína á það mikilvæga í lífinu. Ég mæli 100% með Áshildi sem markþjálfa fyrir hvern þann sem hefur áhuga á að ná meiri árangri í vinnunni og í daglegu lífi. Mér leið vel í tímunum enda náði ég góðum tengslum við markþjálfann. Áshildur er fagleg manneskja með mikla útgeislun, er næm og hvetjandi á viðmælanda sinn og með sérlega góða og þægilega nærveru.
Í gegnum markþjálfunina komst ég að því að við höfum sameiginlega sýn á marga þætti og en hún var að vinna að öðrum spennandi verkefnum sem voru m.a. til að auka vellíðan og einblína betur á styrkleika fólks. Ég prófaði að fara í gongtíma til hennar og það eru frábærir tímar sem ég mæli með fyrir hvern þann sem vill fara inn á við og hlúa að sér bæði líkamlega og andlega. Vellíðan kemur upp í hugann þegar ég hugsa um frábæru stundirnar á dýnunni. Hún er algjör snillingur og tónarnir hitta beint í mark.
Alma J. Árnadóttir
Ég hef leitað í tíma yfir netið til Áshildar á tveimur ólíkum tímabilum í lífi mínu. Í fyrra skiptið þegar mig vantaði traustan mentormarkþjálfa í upphafi míns eigin markþjálfaferils og í síðara skiptið þegar ég þurfti að finna framkvæmdaorkuna. Í endurkomunni felast mikil meðmæli, ekki síst frá öðrum markþjálfa, því sá sem kemur aftur síðar hefur uppskorið ríkulega í fyrra skiptið.
Áshildur gefur frá sér leiftrandi fagra orku sem skilar sér óhindrað yfir skjáinn og virkar einstaklega hvetjandi. Viðmót hennar vekur strax upp öryggistilfinningu og djúpur, einlægur skilningurinn sem hún sýnir gerir það að verkum að auðvelt verður að opna á allar hjartagáttir. Þá skorar hún hæfilega á og hefur gott skynbragð á hvar mörk marksækjandans liggja. Það endar allt möguleika megin í samtali við Áshildi og ég mæli hiklaust með henni sem markþjálfa.
Greta Lind Kristjánsdóttir
Ég fór í Gong tíma til Áshildar eftir að vinkona mín hafði sagt mér frá þessari mögnuðu konu. Hún sagði mér líka í leiðinni að hún hefði farið í markþjálfun til hennar svo auðvitað varð ég að prófa það líka. Markþjálfunina ákvað ég að prófa hjá henni sem eitt af mörgum tólum sem gott er að nýta sér í sjálfsskoðun og mest langaði mig líka að nærast á orku Áshildar og biðja hana að leiðbeina mér að komast nær þessum innra frið og þessari yndislegu útgeislun sem öllum langar að hafa og hún á sko nóg af.
Ég sóttist eftir að taka persónulega hagi frekar en vinnulega í markþjálfunartímunum. Áshildur hjálpaði mér að staðfesta ferðalagið sem ég var að stefna að og fékk mig til að hugsa mikið um réttu leiðina til persónulegs árangurs. Ég allavega tók skrefið sem þurfti, full af eldmóð og viss í minni sök eftir stuðninginn frá henni um að ég væri á réttri leið og er enn. Mér líður alltaf vel í kringum hana hvar sem hún er. Friður, umhyggja, vellíðan. Mæli með Áshildi - punktur.
Linda Hafdal Jónsdóttir
Ég upplifði rosalega góðar móttökur. Dásamlega nærveru. Náði jarðtengingu. Og mikinn vilja til að kortleggja það sem mér lá að hjarta. Mín kveðja með þakklæti.
Olga Björt Þórðardóttir
Ég hef í mörg ár verið að gera upp áföll og tímabil í lífi mínu með aðstoð sérfræðinga. Til að vinna úr slíku þarf þolinmæði og tíma og vera reiðubúin að gefa óvæntum tilfinningum farveg við ótrúlegustu aðstæður. Það voru enn sár atvik sem þó enn héngu inni og hömluðu lífsgæði og ég var búin að reyna margt til að losa út.
Ég hafði prófað Hljóðheilun hjá elsku Áshildi og meira að segja keypt 10 skipta kort sem ég var ekki búin að klára. Svo sá ég á Facebook að það losnaði tími hjá henni sem ég stökk á. Næstu daga á eftir var ég svakalega þreytt og meyr og hvíldi eins og hægt var. Það magnaða sem svo gerðist var að sársaukinn var horfinn, sjálfsagt vegna samspils margra þátta tengdum úrvinnslu, en léttirinn var svakalegur. Nærandi nærvera Áshildar, faðmurinn sem hún býður ávallt fram og samkenndin spila pottþétt stóran þátt líka.
Rannveig Guðmundsdóttir
Ég var full efasemda þegar við vinkonurnar lögðum í þessa vegferð. Hugsaði með mér hvernig okkur ætti að takast að fara í gegnum markþjálfunarsamtal án þess að detta í vinkonuspjall um daginn og veginn. En af festu var ég leidd inn í samtal um hluti sem ég hafði aldrei velt fyrir mér, spurð spurninga sem ég hafði aldrei verið spurð að og steinum velt við sem aldrei höfðu verið hreyfðir. Það eru engar ýkjur að fyrir mér opnuðust nýjar víddir, allt sett á borðið, misgott og misvont, en rætt af virðingu, gagnrýni, mátulegu gríni og að lokum er samtalið teiknað upp og ræddar leiðir að markmiðasetningu í kjölfarið. Hún notar sína einstöku eiginleika og hæfni við vinnuna auk þess að grípa til verkfæra sem er ótrúlega spennandi að vinna með.
Ég myndi mæla með svona samtali, einu, helst fleirum, fyrir alla. Við gefum okkur svo sjaldan tíma til að hugsa um úr hverju við erum gerð og hverjir möguleikar okkar eru í leik og starfi. Þeir eru nefnilega óteljandi og á það bendir Ása, án alls yfirlætis en af einstakri mennsku og kærleika.
María Viktoría Einarsdóttir
Að koma í markþjálfun til Áshildar er einn mesti stuðningur sem ég hef fundið á mínu ferðalagi. Maður fær að hitta sjálfan sig og fara djúpt að sínum kjarna og átta sig nákvæmlega á hvað maður þarf, vill og stefnir. Hún hjálpar manni að verða sitt sannasta sjálf, að skapa lífið sem maður raunverulega vill lifa og gera drauma sína að veruleika. Mæli með fyrir alla sem vilja “upgrade” í sínu lífi og tilvist að kíkja til Áshildar í markþjálfun.
Bara ein viðvörun: Þú munt ekki nenna að halda í leiðinlega vana og það sem dregur þig niður, það mun eyðast og umbreytast. Vertu tilbúin/n í ferðalag!
Anna Lóa Ólafsdóttir
Frábær tími þar sem ég tók ákvarðanir sem breyttu miklu í mínu lífi. Þú varst með blað á meðan ég var í tímanum og ég sá að einstaka sinnum settir þú eitthvað niður á blaðið.
Þegar tímanum var lokið varstu búin að teikna upp það sem skipti máli - ég varð orðlaus. Þessi teikning hékk uppi á vegg hjá mér í langan tíma - sem áminning um það sem ég hafði lofað sjálfri mér að gera. Takk - þú ert frábær leiðbeinandi hvernig sem á það er litið - gangi þér vel.
Þetta námskeið hefur veitt mér þá innsýn og hugarró sem þarf til að sjá hlutina í jákvæðara samhengi. Hérna fékk ég þá verkfærakistu sem mun nýtast mér um ókomna tíð. Við eigum öll skilið að vera hamingjusöm og líða vel í eigin skinni og þetta námskeið ögraði mér á þann hátt að ég þurfti að staldra við og líta inná við og taka á þeim hlutum hjá mér sjálfri sem setið hafa á hakanum í gegnum árin. Ég get ekki fundið nógu sterk orð hversu þakklát ég er fyrir þetta námskeið og hversu gott það hefur gert fyrir mig. Þetta hefur verið erfitt, ljúft og mjög lærdómsríkt en hálfnað verk nú hafið er. Takk fyrir mig.
Mjög gott námskeið og vel haldið utan um okkur. Umræður góðar og ég fann til öryggis í hópnum mínum. Gátum rætt hvað sem er vitandi það að trúnaðar var gætt. Tímastjórnun var góð og mér leið alltaf vel í hjartanu eftir hvern tíma. Takk fyrir mig.
Mjög gagnlegt og gefandi fyrir mig.
Hefði vissulega viljað kafa dýpra í innsæið því það er svo áhugavert! Efnið fannst mér samt svo listilega framsett með það fyrir augum að auka sjálfsþekkingu. Námskeiðinu var líka stýrt af alúð og festu sem endurspeglaðist í því hversu hratt traust myndaðist innan hópsins. Mér finnst ég ríkari að hafa tekið þátt og vona að margir eigi eftir að fá að njóta.
Dásamlegt námskeið í alla staði, gefandi og gott spjall í öllum tímum.
Áshildur Hlín er yndisleg manneskja og frábær kennari. Hún hefur dásamlega nærveru og fylgist vel með hvort allir séu að taka þátt. Tímarnir eru mjög góðir og vel settir upp, bókin er líka mjög falleg og auðlesin. Þessir tímar veittu mér tilhlökkun, fróðleik og forvitni.
Ég mæli 100% með þessu námskeiði Sjálfsþekking - leið til lífs í flæði. Með bestu kv Sólborg
Upplifi að Áshildur hefur raunverulegan áhuga á viðfangsefninu og fólkinu sem mætir. Mjög gott.
Ég hef verið móðir í rúm 20 ár, þrátt fyrir að vera ekki nema fertug. Ég dreifði börnunum vel yfir þetta tímabil og er yngsta barnið einungis tveggja ára. Það hefur því verið nokkuð mikið að gera og alls konar áskoranir poppað upp. Í öllu þessu amstri virðist ég hafa gleymt sjálfri mér. Ég var komin ansi aftarlega á listann og gerði bókstaflega ekkert fyrir sjálfa mig. Eina ástæðan fyrir því að ég skráði mig á námskeiðið var vegna þess að það var á vinnutíma og í gegnum vinnuna. Ég hefði annars aldrei gefið sjálfri mér þennan tíma. Ég hef lengi verið meðvituð um að ég þyrfti kannski að fara að gera eitthvað fyrir sjálfa mig. Hugsaði líka oft að það væri eitthvað sem vantaði í líf mitt. Skildi samt aldrei af hverju, því ég hefði það nú bara nokkuð gott, heilbrigð börn, hamingjusamt hjónaband, gott starf, fallegt heimili. Hvað annað er hægt að biðja um?
Það var á þessu námskeiði sem ég áttaði mig á að ég var í raun búin að týna sjálfri mér. Ég gleymdi alveg að setja súrefnisgrímuna á mig. Ég var hætt að gera hluti sem glöddu mig og ég hafði raunverulega ánægju af. Það er að segja hluti sem ég gerði ein og bara fyrir mig og engan annan. Ég hef trú á að þessi litlu skref sem ég er byrjuð að taka, eins og að sinna áhugamálunum mínum, muni gera mig að betri móður og eiginkonu. Eins klisjukennt og það er, þá er ég, held ég bara, betri útgáfa af sjálfri mér.
Virkilega vel gert, falleg bók og Áshildur hefur einstaka nærveru,
góður hópur og gaman og fallegt að upplifa samkennd og skilning.
Námskeiðið var að mínu mati afar vel heppnað þar sem leiðbeinandinn fór í gegnum kaflana á skýran hátt og gaf þátttakendum gott rými til að tjá sig og fá speglun. Námsefnið var einkar vel framsett og það var bæði gaman og gagnlegt að fara í gegnum efnið. Á eftir að glugga oft í þessa fallegu bók.
Þúsund þakkir fyrir að kveikja á ljósum sem voru slökkt.
Þetta námskeið var allt í senn alveg eins og ég hélt en á sama tíma fór það fram úr mínum björtustu vonum. Ása er einstök að ná fram góðu flæði og spyrja réttu spurninganna og nýtir sína frábæru menntun, þekkingu og reynslu að ýta við manni - ótrúlega blíðlega en samt sem hristir upp í manni. Svo lengi sem maður mætir með opinn huga og tilbúin að vinna vinnuna þá er ekki hægt að tapa á þessu námskeiði! Takk Ása
- Halla Björg
Námskeiðið hennar Áshildar var svo ótrúlega gefandi fyrir mig, að fá að ræða um erfiða hluti og fá stuðning og hughreystingu og ekki síst verkfæri til að takast á við hlutina á jákvæðan hátt og breyta eða skipta hugarfarinu gagnvart þessum erfiðu hlutum í lífinu.
Áshildur hefur einstaklega góða nærveru og þess vegna auðvelt að tengjast henni og treysta. Ég mæli með námskeiðinu fyrir alla sem vantar leiðsögn fyrir meiri jákvæðni inn í lífið.
Frábært námskeið, takk kærlega fyrir mig :)
Námskeiðið er frábært! Áshildur er mjög góður stjórnandi. Hún leiðir mig í gegnum spurningar og ólík viðfangsefni. Hún sýnir mér virðingu og alltaf til í að hlusta. Hún hefur góða nærveru og lýsir upp skjáinn með brosi sínu. Bókin sem hún bjó til er mjög falleg og markviss. Verkefnin í bókinni veita þér nýja sýn á þig sjálfa og hvað þú vilt öðlast í framtíðinni. Framtíðarsýnin verður skýrari og með hænuskrefum getur þú látið drauma þína rætast.
Takk kærlega fyrir mig. - Sólveig
Mjög gott námskeið sem fékk mann til að horfa á hlutina með öðrum gleraugum og skoða hlutina frá fleiri en einni hlið.
Þetta námskeið var mjög skemmtilegt, það gaf mér aukið sjálfstraust og hugrekki að gera hluti sem mig hefur dreymt um lengi. Gaman og lærdómsríkt að fara í gegnum þessa kafla og kynnast sjálfri sér betur, líka yndislegt að fá alla þessa hvatningu og stuðning frá hinum á námskeiðinu og gat maður talað um allt því traustið var svo gott. Það var alltaf gott að koma í tímana til Áshildar þar sem hún er með svo hlýja og góða nærveru.
Frábært námskeið :)
Ofboðslega skemmtilegt og fær þig til að kafa djúpt.
Frábært námskeið sem gaf mér aukið sjálfstraust, betri skilning á styrkleikum mínum og hugrekki til að fara á eftir því sem mig langar. Áshildur hefur einstaka nærveru og það var alltaf gaman og gefandi að koma í tíma til hennar.
Námskeiðið er mjög, mjög gott og sett fagmannlega fram.
Mjög gagnlegt og skemmtilegt námskeið. Skerpir á sjálfsvitundinni og hjálpar til við að móta eða staðfesta stefnuna í lífinu.
Mjög gott námskeið sem fyllir mann eldmóð og nærir sálina.
Takk fyrir mig!
Áshildur er alveg einstök og gerði þetta allt svo vel. Bókin er mjög vel unnin og er hún frábært tól til að öðlast meiri sjálfsþekkingu.
Einstaklega gott námskeið og þú Áshildur með svo góða nærveru.
Þetta er gott námskeið til að kynnast sjálfri sér betur og finna sinn innri styrk. Mæli svo sannarlega með :)
Ég hef leitað í tíma yfir netið til Áshildar á tveimur ólíkum tímabilum í lífi mínu. Í fyrra skiptið þegar mig vantaði traustan mentormarkþjálfa í upphafi míns eigin markþjálfaferils og í síðara skiptið þegar ég þurfti að finna framkvæmdaorkuna. Í endurkomunni felast mikil meðmæli, ekki síst frá öðrum markþjálfa, því sá sem kemur aftur síðar hefur uppskorið ríkulega í fyrra skiptið.
Áshildur gefur frá sér leiftrandi fagra orku sem skilar sér óhindrað yfir skjáinn og virkar einstaklega hvetjandi. Viðmót hennar vekur strax upp öryggistilfinningu og djúpur, einlægur skilningurinn sem hún sýnir gerir það að verkum að auðvelt verður að opna á allar hjartagáttir. Þá skorar hún hæfilega á og hefur gott skynbragð á hvar mörk marksækjandans liggja. Það endar allt möguleika megin í samtali við Áshildi og ég mæli hiklaust með henni sem markþjálfa.
Ég var full efasemda þegar við vinkonurnar lögðum í þessa vegferð. Hugsaði með mér hvernig okkur ætti að takast að fara í gegnum markþjálfunarsamtal án þess að detta í vinkonuspjall um daginn og veginn. En af festu var ég leidd inn í samtal um hluti sem ég hafði aldrei velt fyrir mér, spurð spurninga sem ég hafði aldrei verið spurð að og steinum velt við sem aldrei höfðu verið hreyfðir. Það eru engar ýkjur að fyrir mér opnuðust nýjar víddir, allt sett á borðið, misgott og misvont, en rætt af virðingu, gagnrýni, mátulegu gríni og að lokum er samtalið teiknað upp og ræddar leiðir að markmiðasetningu í kjölfarið. Hún notar sína einstöku eiginleika og hæfni við vinnuna auk þess að grípa til verkfæra sem er ótrúlega spennandi að vinna með.
Ég myndi mæla með svona samtali, einu, helst fleirum, fyrir alla. Við gefum okkur svo sjaldan tíma til að hugsa um úr hverju við erum gerð og hverjir möguleikar okkar eru í leik og starfi. Þeir eru nefnilega óteljandi og á það bendir Ása, án alls yfirlætis en af einstakri mennsku og kærleika.
Að koma í markþjálfun til Áshildar er einn mesti stuðningur sem ég hef fundið á mínu ferðalagi. Maður fær að hitta sjálfan sig og fara djúpt að sínum kjarna og átta sig nákvæmlega á hvað maður þarf, vill og stefnir. Hún hjálpar manni að verða sitt sannasta sjálf, að skapa lífið sem maður raunverulega vill lifa og gera drauma sína að veruleika. Mæli með fyrir alla sem vilja “upgrade” í sínu lífi og tilvist að kíkja til Áshildar í markþjálfun.
Bara ein viðvörun: Þú munt ekki nenna að halda í leiðinlega vana og það sem dregur þig niður, það mun eyðast og umbreytast. Vertu tilbúin/n í ferðalag!
Ég fór í Gong tíma til Áshildar eftir að vinkona mín hafði sagt mér frá þessari mögnuðu konu. Hún sagði mér líka í leiðinni að hún hefði farið í markþjálfun til hennar svo auðvitað varð ég að prófa það líka. Markþjálfunina ákvað ég að prófa hjá henni sem eitt af mörgum tólum sem gott er að nýta sér í sjálfsskoðun og mest langaði mig líka að nærast á orku Áshildar og biðja hana að leiðbeina mér að komast nær þessum innra frið og þessari yndislegu útgeislun sem öllum langar að hafa og hún á sko nóg af.
Ég sóttist eftir að taka persónulega hagi frekar en vinnulega í markþjálfunartímunum. Áshildur hjálpaði mér að staðfesta ferðalagið sem ég var að stefna að og fékk mig til að hugsa mikið um réttu leiðina til persónulegs árangurs. Ég allavega tók skrefið sem þurfti, full af eldmóð og viss í minni sök eftir stuðninginn frá henni um að ég væri á réttri leið og er enn. Mér líður alltaf vel í kringum hana hvar sem hún er. Friður, umhyggja, vellíðan. Mæli með Áshildi - punktur.