Ný námskeið hefjast 11. og 12. apríl: 
Sjálfsþekking
- leið til lífs í flæði

 Að gefa sér stundir til svara​

Þetta námskeið færir þér stórar spurningar. 

Spurningar sem skipta þig máli og enginn annar en þú getur svarað, fyrir þig.

 

Spurningar sem færa fram svör sem endurstilla áttavitann þinn á vellíðan og merkingarbæra þætti í þínu lífi. 

 

Svör sem vilja koma upp á yfirborðið 

 

Svör sem breyta einhverju fyrir tilveru þína og minna þig jafnframt á úr hverju þú ert gerð(ur)/gert:

 

Gleði, sköpunarkrafti, ást og visku.

​

Ein góð leið til að opna á kærleika er að öðlast betri skilning á því viðfangsefni sem fyrir framan mann er og ná góðum tengslum við það. Það sem við þekkjum og skiljum hefur í hendi sér lykil að hjarta okkar.

Það gildir líka um okkur sjálf og okkar eigið innra samband. 

​

Því betur sem við kynnumst okkar innsta og fegursta kjarna, því auðveldara er að elska hann.  

​

​

Komdu á námskeið sem snýst um þig og þína innri heima,

- þína sjálfsþekkingu

​

Hér er um námskeið að ræða sem hefur það að markmiði að þú aukir og dýpkir þína sjálfsþekkingu, þér til aukins sjálfstrausts, gleði og vellíðanar í eigin lífi.

​

Þetta námskeið er fyrir öll þau sem hafa áhuga á að líta aðeins undir yfirborðið og kanna leynda fjársjóði í eigin fari. Það er jafnt fyrir þau sem eru að stíga sín fyrstu skref í sjálfsvinnu sem og þau sem hafa talsverða reynslu á því sviði en langar til að fá nýja vinkla, æfingar og spurningar til að vinna með. 

 

Að beina athyglinni að ríkjandi styrkleikum og því sem við viljum allra helst upplifa í lífinu er mjög áhugaverð og kröftug blanda. Oft er það nefninlega svo að við erum töluvert meðvituð um vankanta okkar og hvað það er sem við viljum ekki upplifa, en höfum kannski ekki skerpt svo vel á því hvar við erum best og hvað það er sem við raunverulega viljum mest.

 

Ég geri ráð fyrir að þú vitir nú þegar fjölmargt um það hver þú ert sem manneskja, hverjir þínir helstu styrkleikar eru, hvað þú hefur að gefa og hvað þig langar til að fá út úr lífinu. Þessi vitneskja er ekki bara góð og hentug til að hafa bakvið eyrað, hún er í raun nauðsynleg forsenda þess að andleg heilsa þín megi blómstra. Slíkt mikilvægi þarf varla að tíunda hér. 

​

Þú veist best hvað þér er fyrir bestu

​

Hefurðu sótt þessa visku nýlega, þér til hjálpar í lífinu?

Það sem þetta námskeið gerir er að hjálpa þér að finna út hvað þetta besta er svo þú megir betur njóta þess í eigin lífi. Við erum ekki alltaf fyllilega meðvituð um það sem innra með okkur býr þó verðmætin séu til staðar, til þess þarf að spyrja réttu spurninganna - en það er eitt aðal verkefni þessa námskeiðs. 

​

​

Svörin þín vísa þér veginn þangað sem þú vilt fara

​

Á þessu námskeiði erum við að leita eftir þínum réttustu svörum, fyrir þig, í dag. Við viljum fá þau upp á yfirborðið svo þú megir stilla þinn gullna áttavita eftir þeim. Þannig að þú getir bæði sóst eftir og um leið laðað til þín allt það sem er þér verðmætt og mikilvægt í dag. Þín svör trompa allt annað og við berum okkur ekki saman við neinn annan en okkur sjálf í fortíð, nútíð og framtíð. 

​

​

Ferðalag með 6 viðkomustöðum

 

Námskeiðið er byggt upp sem skemmtilegt og gefandi innra ferðalag sem byggir á eftirfarandi 6 viðkomustöðum:

​

1.  Styrkleikar

2.  Sköpun

3.  Sjálfstraust

4.  Framtíð

5.  Frelsi 

6.  Flæði

​

​

Styrkleikar - vika 1

• Hverjir eru þínir kjarnastyrkleikar? 

• Hvernig eru þeir í sínu besta jafnvægi? 

• Hvaða máli skiptir það fyrir okkur að nýta okkar helstu styrkleika í daglegu lífi? 

 

Það búa styrkleikar í okkur öllum, stórum sem smáum. Einstakir meðfæddir eiginleikar sem mikilvægt er að finna og rækta, bæði okkur sjálfum og umhverfi okkar til góðs. Hér skoðum við styrkleika okkar út frá ýmsum sjónarhornum og veltum fyrir okkur hvaða ríkjandi krafta við erum að vinna með í eigin fari. Við finnum út hvernig við getum sem best virkjað þá og hvernig okkur líður best með að tjá þá.  

​

Sköpun - vika 2

• Hvað finnst þér gaman að skapa, búa til?

• Hvernig líður þér þegar þú skapar?

• Hvaða máli skiptir það að nýta sköpunarkraftinn?

 

Að skapa þýðir að búa til eitthvað nýtt úr því sem fyrir var. Allt í náttúrunni er í eðli sínu skapandi og við þar meðtalin. Náttúran er í sífelldu sköpunarflæði þar sem efni umbreytast og nýtt líf verður til. Við skoðum okkar innbyggðu þörf fyrir að búa eitthvað nýtt til, hvaða nafni sem það nefnist. Við lítum tilbaka yfir farinn veg og finnum þær stundir sem við höfum gleymt okkur í leik og dundi. Við veltum því einnig fyrir okkur hvernig okkur langar að skapa í dag og í framtíðinni. 

​

Sjálfstraust - vika 3

• Hvað er heilbrigt sjálfstraust og hvaðan kemur það? 

• Hvernig vilt þú hafa þitt sjálfstraust?

• Á hvaða sviðum lífsins upplifir þú þig í dag með sterkt sjálfstraust?

​​

Sjálfstraust snýst um trú á sjálfan sig og eigin verðleika. Sjálfstraust snertir svo til alla fleti lífs okkar en er þó mismunandi eftir hinum ýmsu sviðum lífsins. Við förum yfir hugtakið sjálfstraust, skoðum skilgreiningar á því og veltum fyrir okkur mikilvægi þess í eigin lífi. Sjálfstraust er ekki fasti heldur eiginleiki sem má þróa og efla eins og mann langar til. 

 

Framtíð - vika 4

• Hvaða merkingu hefur það fyrir þig að velta framtíðinni fyrir þér? 

• Vilt þú eiga framtíðarsýn sem kveikir undir ástríðu þinni?

• Hver er heitasta ósk þín um þína eigin framtíð?

 

Framtíð er allur tími héðan í frá, hvert andartak frá því andartaki sem við lifum hverju sinni. Velta má framtíðinni fyrir sér frá næsta degi, næsta mánuði, næstu 5 eða 50 árum. Framtíðardraumar eiga að virkja ímyndunaraflið, opna dyr og glugga, stækka okkur og um leið færa okkur nær sjálfum okkur.  Þeir eiga að snerta okkar innstu hjartastrengi. 

​

Frelsi - vika 5

• Hvað merkir hugtakið frelsi í þínum huga? 

• Hvar upplifir þú mesta frelsið í þínu lífi?

• Á hvaða sviði lífsins þarftu helst á auknu frelsi að halda?

 

Frelsi þýðir að vera frjáls, í sinni einföldustu mynd. En hvað þýðir það fyrir okkur? Við skoðum frelsið út frá sjálfsákvörðunarkenningunni og þeirri tilfinningu sem við tengjum helst við frelsi. Við skoðum mismunandi þarfir okkar fyrir frelsi á hinum ýmsu sviðum lífsins og skilgreinum einnig grunnþörf okkar og óskastöðu. 

​

Flæði - vika 6

• Hvað er flæðisástand? 

• Hvernig virkar það og hvenær ertu í flæði?

• Hvernig viltu að líf þitt flæði áfram?

 

Flæði er ástand sem nærir okkur og hefur mikilvægu hlutverki að gegna í allri streitu- og álagsstjórnun. Við skoðum hugtakið flæði út frá kenningu um ástand flæðis, sem og notum það sem huglægt mót til að leggja yfir lífið og skilgreina óskaflæði þess hverju sinni. Við veltum þessu hugtaki fyrir okkur og finnum okkar draumaárfarveg að renna um. 

​

​

Árangur á sviði sjálfsþekkingar 

​

 

Á námskeiðinu ætlum við að rýna vel í alla þessa þætti, svara spurningum og gera æfingar sem dýpka bæði skilning og þekkingu á eigin sjálfi í tengslum við þá. Mikil hvatning og gleði verða til staðar. Við tökum vinnuna alvarlega en höfum þó alltaf stutt í gleði, húmor og æðruleysi gagnvart hlutunum og okkur sjálfum. 

​

​

Bókin

​

Námskeiðinu fylgir falleg 115 blaðsíðna vinnubók, sem er jafnt fræðandi sem styðjandi. Þegar námskeiðinu lýkur hefur þú svarað fjölmörgum kröftugum spurningum sem leiða þig áfram til lífs í því flæði sem þú óskar helst.

 

Hér má finna 8 mínútna kynningarmyndband um bókina og námskeiðið: 

 

​

 

 

Fyrirkomulag:

​

Við hittumst í 6 skipti á tímabilinu sem spannar alls 6 vikur, en í boði verður bæði staðnámskeið og fjarnámskeið. 

​

Hvert námskeið verður kennt í litlum hópum með að hámarki 8 manns í hverjum hóp.

Fullur trúnaður ríkir. 

​

Nýtt staðnámskeið verður haldið eftirfarandi þriðjudaga kl. 10.30-12.00:

​

11., 18. og 25. apríl og 2, 9. og 16. maí

​

• Staðnámskeið fer fram í Fjarðargötu 13-15, 2. hæð (Fjörður, verslunarmiðstöð).

  • Te og kaffi í boði í hlýlegri aðstöðu. ​

​

Nýtt fjarnámskeið verður haldið eftirfarandi miðvikudaga kl. 10.30-12.00:

​

12., 19. og 26. apríl og 3, 10. og 17. maí

​

• ​Fjarnámskeið fer fram á Zoom þar sem hver kemur sér vel fyrir í eigin umhverfi fyrir notalega stund saman á skjánum.

​

​

Námskeiðið er unnið út frá hugmyndafræði jákvæðrar sálfræði, menntavísinda og markþjálfunar. Það var þróað með styrk frá VIRK starfsendurhæfingarsjóði og er hægt að sækja sem úrræði á vegum VIRK. 

 

​Verð á námskeiði er 44.000,- kr með innifalinni veglegri vinnubók sem er send heim til þátttakenda viku fyrir námskeiðsbyrjun til undirbúnings. 

​

Kær kveðja og ég hlakka til að sjá þig!

Áshildur Hlín

​

 

Fyrir þátttöku og nánari upplýsingar, vinsamlegast sendið tölvupóst á ashildurhlin@gmail.com eða hafið samband í síma 842-2711. 

​

Þegar námskeið hefur verið staðfest með greiðslu þarf að fylgja með heimilisfang til að senda bókina á, sem og kennitala fyrir kvittun.

 

Millifært er á eftirfarandi reikning:

banki: 301 - 26 - 7524

kt. 571220 - 1640