Orð frá hug og hjarta
Heimurinn bakvið augnlokin
_edited.png)
Vertu hjartanlega velkomin/n í hljóðheilun!
Hljóðheilun er nú tímabundið með opna staðsetningu þar sem ég ferðast með hljóðfærin eftir óskum á höfuðborgarsvæðinu.
Velkomin í hópinn Hljóðheilun á Facebook, þar koma inn allar upplýsingar um tímana ásamt ýmsum fleiri fréttum.
Tímar eru nú haldnir eftir samkomulagi, en reikna má með að hver slökunarstund taki rúman klukkutíma.
-
Gott er að hafa með sér augnhvílu eða klút til að leggja yfir augun.
-
Þörf er á góðum púða/púðum, teppi og dýnu til slökunar.
Vinsamlegast hafðu samband til að sjá hvað ég get gert fyrir þig og þinn hóp - ashildurhlin@gmail.com
.png)
.jpg)
Einkatímar í hljóðheilun
Við gefum okkur stund í byrjun til að stilla fókusinn á það sem vinna skal með og eigum síðan líka stund í lokin til að deila, hugsa upphátt og ræða málin eftir þörfum.
Þitt er að sjálfsögðu alltaf valið hvað rætt og unnið er með í tímunum, en minn vilji stendur alltaf til þess að hjálpa fólki að hreyfa við staðnaðri orku, að gera gott betra og frábært að stórkostlegu. Flóknara er það nú ekki :)
Hver tími er 75 mínútur.
"Markmið hvers tíma er að færa hvern einstakling
nær eigin sannleika, að opna enn betur á tæra uppsprettu heilunar, visku, innsæis og kærleika."
Fleiri hljóðfæri
Í hljóðheilunarstundum nýti ég fleiri hljóðfæri til viðbótar við gongin. Þar koma ýmist líka við sögu: Koshi chimes bjöllur, kristalsharpa, kristalssöngskálar, shamantromma, regnsúla og tíbetskar söngskálar. Þessi hljóðfæri gefa tímunum aukna dýpt og meiri vídd til að njóta.
Hvernig fer þetta fram?
Við nýtum stutta stund í byrjun til að setja okkur ásetning, saman sem hópur eða hver með sinn ásetning. Allir koma sér vel fyrir á dýnu með teppi og púða, loka augunum og beina athyglinni að andardrættinum. Hljóðheilunin tekur um 40-45 mínútur og er komið rólega tilbaka þannig að hver og einn lendi vel í sjálfum sér áður en haldið er áfram út í daginn eða kvöldið. Í lokin er gengið hringinn, allir sem vilja fá tækifæri til að tjá sig og deila upplifun sinni af tímanum. Tjáning er vissulega valkvæð hverju sinni þar sem allt er unnið út frá persónulegum forsendum. Trúnaður ríkir í hverjum tíma.
